【不計前嫌】謝東閔認與朱智賢關係進一步：佢係一個我值得幫嘅人
蘋果日報 2020/08/01 17:00
偷食人夫黎振燁朱智賢謝東閔
「大台姣精」朱智賢今年4月被《蘋果》踢爆背着男友謝東閔偷食人夫黎振燁，偷食過後朱智賢未有承認與謝東閔的關係，直指男方只是「好朋友」，雖然謝東閔被「派帽」，但他仍然不計前嫌陪「好友」出席記者會，甚至承擔責任，聲稱因為自己工作忙而忽略了對方，現階段會陪她過這一關。
事隔多月，謝東閔繼續工作，朱智賢仍在等復工通知。因為宣傳新劇的關係，謝東閔日前到商台接受《一圈圈》訪問，重提當日在記者會表現冷靜，他淡然地說：「始終都係嗰件事入面嘅人，喺嗰一刻唔係應該要去埋怨，做啲乜嘢，反而係要諗吓點樣去保護番，大家都識咗咁耐，唔係話就咁就擺低佢，如果真係擔心佢嘅話，不如陪佢出嚟喇。我冇諗其他嘢，最緊要係幫到佢，佢係一個我值得幫嘅人。」
在這段期間有傳兩人已經分手，但謝東閔否認此事，他更形容朱智賢為「可以行得遠嘅人」，但卻從未想過會結婚，目前大家都不會重提舊事，主持人問到有這考驗關係再進一步？謝東閔說：「其實都係，就算係我自己，又或者睇過朋友分享啲感情嘅事，有經驗先會有進步，情況就好似踩單車，要跌過好多次先會踩得好，所以做人都係一樣。」