【新增內容】
韓國男團防彈少年團（BTS）全新世界巡唱「2017 BTS LIVE TRILOGY EPISODE III THE WINGS TOUR 」，2月時於首爾正式開始，而香港站將於5月13日至14日，一連兩晚於亞洲國際博覽館Arena舉行。BTS去年推出第二張正規專輯《WINGS》，創下多個新紀錄，加上2月13日推出嘅改版專輯《YOU NEVER WALK ALONE》，相信是次港騷，BTS將會以更成熟一面見港迷，而且都會繼續以強勢嘅表演風格，帶來精彩舞蹈表演同獻唱多首熱門歌曲。

是次港騷票價由580至1,680港元不等，Citibank Citi Clear信用卡及其他Citi信用卡會員，可於本月29日至31日優先訂票，門票將於下月3日公開發售。

另外，BTS將於下月1日及2日喺美國洛杉磯阿納海姆（Anaheim）舉行演唱會，不過成員Jimin近日就被網民恐嚇，揚言要喺當日嘅演出上槍殺Jimin，令粉絲相當擔心。大會就表示已採取相關措施，保護BTS人身安全，BTS所屬事務所今日亦表示：「雖然可能係激進狂迷嘅玩笑，但以防萬一，我哋正採取應對措施，會跟演出場地方面及當地警方合作，於現場做好一切準備。」

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。