【56歲生日】梁朝偉神回手勢 廣東話應祝福：偷你哋嘅心，睇住嘞
蘋果日報 2018/06/27 18:11
韓城攻略東京攻略歐洲攻略杜鵑梁朝偉唐嫣
偉仔以火神星手勢回應祝福。
梁朝偉早前宣佈同王家衛嘅澤東電影公司，結束20年嘅賓主關係，改由老婆劉嘉玲暫時充當經理人。繼續享受人生嘅偉仔今日56歲正日生日，幾位佢嘅電影《歐洲攻略》嘅拍檔都用各自方式送上祝福。
戲中演偉仔徒弟嘅吳亦凡最平實，佢話：「師傅祝你生日快樂Happy Birthday to you，好久不見。師傅希望你開開心心，吃好睡好，有空跟我一齊玩兒說唱。Check it out 」
超模杜鵑就用黑白片默劇形式配上紙牌讀白：「梁朝偉先生，偷心這麼簡單的事，我還真的做不來，你懂我。生日快樂。」
戲中同偉仔一樣飾演特工嘅唐嫣，以打字來送祝福：「我可不是特意來給你慶生的，這只不過是世界第一大保全給世界第二大保存禮節性的祝福，走個過場別在意。梁先生生日快樂。」
對於三份祝福，仍在休假當中嘅偉仔亦有回禮，佢拍片以廣東話回應祝福：「3份祝福都好特別，今年暑假我會同呢3位超級特工，為大家準備一份超級攻略，去偷你哋嘅心，睇住嘞。」臨尾偉仔仲整咗個火神星人嘅打招呼手勢，而背景仲聽到啲雀仔聲，相信偉仔身處嘅地地方都好清優。
《歐洲攻略》喺導演馬楚成繼《東京攻略》、《韓城攻略》之後嘅第三部《攻略》電影，已定於今年暑假上映。
精選娛聞，喺晒《娛果》 http://fb.com/appledailyent
梁朝偉收到祝福，仲回敬咗個冼樸手勢。（網上圖片）
暫時由太太劉嘉玲暫代經理人嘅偉仔，目前仍在休假。（網上圖片）
偉仔徒弟吳亦凡自然要同師傅拜壽。（網上圖片）
以默劇配以對白紙表達。（網上圖片）
杜絹嘅祝賀頗有心思。（網上圖片）
唐嫣以女特工身份同偉仔賀壽。（網上圖片）