媽媽輩最鍾意每年年尾去工展會掃平貨，不過幾十年都齋喺維園搞，有啲悶嘅。主辦單位中華廠商聯合會決定搞搞新意思，下個星期五(25號)一連3日將工展會搬去澳門漁人碼頭會議展覽中心搞！益吓班澳門師奶仔。

今次工展會有200幾個攤位，差唔多170家參展商，話晒第一次喺人哋地頭搞吖，梗係推多啲優惠益街坊，1蚊魚油丸、喉糖、西梅汁呢啲唔少得，免費入場、免費穿梭巴士更加必備，反而抽大獎比較吸引，只要喺會場集齊5個印仔就可以抽獎，壓軸大獎可以坐直升機來回港澳，仲送香港酒店住宿套票添。

工展會網頁 http://www.hkbpe.com.hk

費清＃要生計，也要生活＃毋忘初衷