「我從來冇申請過有線寬頻,我爸爸先至係佢哋嘅用戶,𠵱家爸爸突然過身,我又有呈上死亡證,有乜理由要我做申請人?佢哋咁做好有問題!」鄭小姐向本報反映事件經過時,顯得一臉無奈。
要求更改用戶姓名
鄭小姐憶述,其父去年申請有線寬頻服務,惟早前去世,鄭小姐忙於處理其身後事之際,卻接獲該公司職員來電,要求她為其先父取消寬頻服務,對方着她傳真其父親的死亡證,以作取消;惟同時間竟要她更改用戶登記姓名,以她自己名義為登記人。
「我當然同意提供爸爸嘅死亡證,但有乜理由要改咗由我做登記人?我都冇要求申請,點可以咁迫人!為咗保障自己,我拒絕改用戶姓名!」
不斷反映一直無覆
鄭小姐謂,該職員隨即要求她繳付六百元,作為提前終止服務的費用。
「佢哋好離譜,我不斷向佢哋反映,亦向電訊管理局求助,但有線寬頻依然唔理我、又唔覆我電話;最終要傳媒介入,佢哋先肯打電話畀我同讓步,呢啲係乜嘢服務!」本報接獲其投訴後作出轉介,有線寬頻隨即回應。