報稱道士的中年漢涉藉詞驅鬼，向一對母女施以鹹豬手，案件下午在區院續審。曾目睹事主X疑被胸襲的鄰居供稱，被告指X被「二千幾年女妖」上身，作法期間被告謂「呢隻係魅魔，既然你咁淫蕩，就交你畀撒旦」，更稱「撒旦嘅下面係生滿荊棘，有排你受」。鄰居自言相信「神化嘢」，仍覺道士所言過於無稽，他不會盲目相信。

被告袁銘權（56歲）涉於前年8月至去年3月間，8次非禮和襲擊女士X和其15歲長女Y。與X一家熟絡的鄰居今下午供稱，去年3月某日他收到X電話，X稱擔心被告與她的女友人爭執，請他到住所了解。他與女友抵達X的住所，屋內有X女友人、X的幼女及被告三人。

晚上X的長女Y回家，感到頭痛不舒服，X的女友人此時亦感不適。鄰居觸摸檢查X女友人手腳是否冰冷，被告將一道寫上「妹」字的符交給鄰居，著鄰居貼在X女友人額頭，又向鄰居表示「如果冇道行嘅話就鬆手，隻嘢上咗你身，乜都唔講就打咗先」，鄰居自言沒有理會。稍後時間X回家亦不適，身體抽搐，鄰居一度想讓X的幼女等人離開單位，但被告指「啲靈異嘢未合番埋，唔走得住」。

X猙獰屈指與被告糾纏 契仔指女妖可煉劍

X持續抽筋，被告遂開始做儀式，突伸手從背後取出一支據稱「係天界嘅令旗」，但手上實空無一物。只見X變得面目猙獰，「每隻手指都屈唔同方向」，兼且怪叫，更與被告糾纏。被告一手打至X的天靈蓋，將X的手屈在背後，緊緊按低她的頭，「㩒低佢摺埋成個波咁」，「好似警察捉人咁」。被告又伸手出窗作拋東西狀，說「等天兵天將收你」，隨即表示儀式完成。然而，被告續伸手入X的衣服內觸摸其乳房，被告當場解釋指X的心很弱，「要護住個心」，鄰居形容被告共觸摸5至10分鐘。

鄰居記得被告在儀式期間說過「呢隻係魅魔，既然你咁淫蕩，就交你畀撒旦」，「撒旦嘅下面係生滿荊棘，有排你受」，又指這是一隻二千幾年女妖。當晚自稱懂法術的X「契仔」亦上門，儀式期間契仔向被告指「呢隻嘢好純，可以煉成劍或其他武器」，隨即搭著被告肩膊，被告則答「唔，幾好」。

鄰居直言自己相信「神神化化嘅嘢」，但強調不會盲信，認為被告與「契仔」所言過於無稽，「所以我記得晒」。聆訊明續。

【案件編號：DCCC176/18】

記者戴國輝