阿仙奴兩大台柱，阿歷斯山齊士同埋奧斯爾同球會份約都係剩番1年，續約傾極都傾唔埋欄，有指兵工廠開到25萬鎊（約250萬港元）周薪條件，兩大球星都唔肯動簽續約，要超過30萬先有得傾。阿仙奴唔想大幅打破球會薪金上限紀錄，諗住另一條橋，就係只要阿仙奴喺下季英超有前4名成績，佢哋就可以加薪20%。

阿仙奴下季冇歐聯踢，英超重返前4位置係佢哋重點目標，如果成功達標，18/19球季可以踢歐聯嘅話，球會又會有一大筆收入，到時先滿足山神同奧燒嘅薪金要求就唔成問題。之但係如意算盤就係咁打，你一廂情願希望兩位球星等多一年，佢哋又睬唔睬你呢？