蔡少芬(Ada)本月25號再索得女，為張家誕下第二位千金張信兒。依家坐咗月有幾耐啫，Ada今朝9點幾已經喺微博狂呻:「原來……我真不是個宅女！只是一個星期……我已經按捺不了想出門走走！…可現在…還有20天要坐月子啊！ps：生不苦、坐月苦！」

懷胎十月都好苦0架，但Ada選擇剖腹生B，可能又真係冇咁苦，但講到坐月……確實係比懷孕苦，因為陀B嗰陣仲可以周圍走，但坐月，就真係要乖乖安坐家中。以Ada活躍好動性格，真係幾難捱。

好彩今日靚靚姊妹陳法蓉來探B，仲貼咗張好鬼馬嘅相上微博:「陳美瞳今日與張家靚靚二小姐合照一張。」但陳法蓉可能肉緊咗少少，嚇到張家二小姐都縮一縮，超趣致呢!