連詩雅（Shiga）與戴祖儀今日到旺角街頭出席港台活動，Shiga指讀書時，旺角是自己的蒲點，放學後經常跟同學一齊到來吃甜品，所以留下不少童年回憶，但入行後的確少到旺角，不過她透露假如要做一件事，都必定揀旺角，她說：「而家有時會秘密嚟買打底衫褲，始終旺角價錢相宜。」她自爆曾經試過戴男仔假髮、Cap帽加鬆身衫，以中性喬裝到來，全程也沒有被認出。

戴祖儀表示現在去旺區仍然可以先明正大去行，不過聽到Shiga喬裝經歷，也好想一試。平時她也不介意素顏出街，日前做完運動後，懶得化妝，冲完涼便素顏離開返家，沿途也沒有被人認出。Shiga又說：「有次趕時間到尖沙嘴一個商場，因為太急，連少少妝都冇化，點知一入商場舖頭門口，店員就問我連小姐要買乜，都開心嘅，證明我唔化妝，分別都唔係好大。」

-----------------------------
【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9