【本報訊】中秋臨近，除食肆推出平價中秋宴外，新款燈籠亦已上市。迪士尼卡通電影《海底奇兵》主角造型的燈籠更成為小朋友追捧的對象，有玩具舖一周已售出逾百個《海底奇兵》燈籠；雖然父母都不會吝嗇花費在子女身上，但礙於經濟尚未復甦，玩具商仍把燈籠降價一成多，以求薄利多銷。但本報未能聯絡上迪士尼公司以證實有關產品是否正版貨。
灣仔太原街一帶的玩具舖已掛滿七彩繽紛的塑膠燈籠。玩具老闆蔡先生說，上周開售至今已售出逾百個燈籠，大部份為《海底奇兵》主角的造型：「細路見到都叫阿媽買。」馬倫及多莉的燈籠最受歡迎。

燈籠便宜一至兩成
八歲的王懿晴只看過《海底奇兵》一次，但對卡通人物瞭如指掌：「我最鍾意Mo仔，呢個燈籠細個嗰個係佢，大嘅係爸爸馬倫；所有卡通，佢哋係最得意嘅！」不過，懿晴坦言去年鍾情「哈姆太郎」燈籠，但今年……「嘻，咁會變吖嘛！」
由奧斯卡得獎動畫《反斗奇兵》原創班底創作的《海底奇兵》在本港票房極佳，美國開畫更刷新紀錄；主角小丑魚馬倫與兒子Mo仔相依為命，後來Mo仔被人捉去，馬倫便與老友多莉展開「搵仔」旅程。
蔡先生說，今年燈籠一般售二十五元，較去年便宜一至兩成。顧客潘太說，兒子仕傑也喜歡《海底奇兵》燈籠，「只要個仔同個女鍾意，一樣會買，慳都唔慳呢啲錢。」她又說，子女每年都喜愛不同卡通人物，「年年要買新，舊嘅被迫要揼。」
但傳統紙紮燈籠仍不乏捧場客。銅鑼灣一間紙紮舖老闆娘說，紙燈籠最平宜的只需一元，白兔燈籠約售三十多元，銷情不俗，顧客多為成年人。「中國人做節梗係擺番啲傳統燈籠先襯。」十三歲的雷曜璣也愛紙燈籠：「因為我鍾意點蠟燭。」