里約熱內盧奧運開始嗰陣，已經因為問題多多令好多運動員擔心到唔去比賽，除咗寨卡病毒，最多人關心嘅都係治安問題。而繼之前馬術場地嘅傳媒中心畀流彈打中，近日甚至有一架載住記者嘅巴士受到襲擊，有窗門被打爛，事件中仲有一名白俄羅斯記者手部受傷添，但暫時就唔知道係子彈定係石頭整爛車窗！

白俄羅斯嘅Gaston Sainz係阿根廷傳媒La Nación記者，佢當時就坐喺架車上面，佢喺事件中受傷，隻手損咗，佢話︰「我地即刻趴落地下，架車再行多兩公里就見到警察，佢地將我地帶地到主傳媒中心。」

係巴士嘅右方車窗清楚咁見到兩個爛咗嘅地方，但係就唔知係子彈定係石頭喇！