Carmen從來沒有想過，自己一個小小的決定，可以挽救一條寶貴性命。五年前，憑着她捐出數百毫升的骨髓，血癌病童黃興民的生命得以延續，重過健康快樂的生活。這位救人英雌，日前更親往黃家探訪，場面感人。

現年十五歲的興民，九八年被證實患上慢性白血病（俗稱血癌），由於在兄姊身上，都找不到合適骨髓，於是透過香港骨髓捐贈基金尋找無血緣捐髓者，結果，幸運地讓他碰上Carmen，兩人「一拍即合」，並於九九年進行了移植手術。

康復重返校園
「𠵱家我叫做好番晒，照常返學，上體育堂都冇問題，所以我好多謝姐姐。」就讀中一的興民，一臉羞怯地說。Carmen看見精神奕奕、面色泛紅的興民，則快慰回應：「最緊要你冇事，以後健健康康、開開心心生活就得啦！」
任職銀行市場推廣的Carmen，當年一個決定，改寫興民的命運。「九八年我讀緊大學一年級，紅十字會輸血隊嚟學校做宣傳，我捐完血之後就順便登記埋捐骨髓，半年後，骨髓基金聯絡我，話我同一個血癌小朋友嘅骨髓好脗合，想我幫手。」
Carmen坦言當初對要進行骨髓移植有一點猶豫和忐忑，幸好經醫生詳細解釋之後，她消除一切疑慮，最終促成了這件美事。訪問期間，Carmen更向記者透露了一個小秘密：「其實當日我捐骨髓，係偷偷地做，冇話畀爸爸、媽媽知，因為佢哋得我一粒女，我驚佢哋會緊張，呢件事我都係隔咗幾年先話番畀佢哋聽，好彩佢哋都冇乜鬧我。」Carmen鬼馬地說。