日本當紅偶像廣瀨鈴下星期一就滿19歲，近年佢吃香東洋影壇，片約不斷稱得上係最搶手嘅新世代女星。廣瀨鈴主演嘅青春勵志電影《去吧！啦啦兵團》本周在港上映，故事係真人真事改編，講述福井縣一個平凡女生阿光為替心儀對象在校際足球大賽中打氣，加入校內啦啦隊，遇上天海祐希飾演嘅地獄教練，而各有個性嘅啦啦隊員亦由中條彩未、山崎絃菜、富田望生、福原遙等演出，眾人克服困難殺入世界級嘅「全美啦啦隊大賽舞台。

《去吧！啦啦兵團》內容又係一貫日本青春片嘅有笑有淚，TBS電視台決定將其拍成連續劇安排2018年播出，不過演員陣容就要有待公佈。