陳展鵬、梁小龍、陳惠敏、丁羽、吳志雄、梁焯滿、謝賢、白彪、呂珊、錢小豪、李司棋、寇鴻萍一家四口、斑斑及陳惠敏等，今日喺紅磡出席波尚琅將軍同汪峂成立嘅星輝娛樂公司晚宴。

陳展鵬單身嚟到現場，見唔到單文柔。陳展鵬接受訪問時話到一到賀老闆就要走，不過冇解釋到未婚妻點解冇嚟。上周四，一對準新人已遞交「擬結婚通知書」，入紙後三個月內註冊，仲報住同一西貢地址（相關新聞連結： https://bit.ly/2QZaaAH），佢解釋話:「今日好忙，冇留意新聞，都係一個地址，唔好咁多猜測。因為要地址登記，是但畀個地址佢。」問到係咪試婚同住？佢反問呢個咩年代：「試婚都係一個幾好題材，可以攞嚟拍，o依好舒服好自然，一個地址大家唔好聯想咁多嘢。」

講到婚後日常家務分工，佢就話：「到時邊個得閒邊個做，或者猜『包剪揼』囉。」講到會唔會搬去同媽咪住，展鵬以涉及私隱為由唔肯講，佢講到目前仲有好多嘢要處理，至於日子會等細節安排落實，就會同大家講，大概會係10月中。

精選娛聞，喺晒《娛果》 http://fb.com/appledailyent