一個「殺」字，喺政圈掀起殺戮戰，相信上月底喺集會中語出驚人、表明對港獨人士必須要「殺」嘅屏山鄉事委員會主席曾樹和，未必估到何君堯附和指嘅「無赦」兩粒字，反而令佢哋兩位先被追殺。

外號「高佬和」嘅曾樹和喺事發後轉趨低調，未有再開腔回應，「笠水」期間，有市民發現佢入咗大澳噃，唔通貪嗰度人少啲，唔會咁易被發現？

讀者陳小姐報料，話喺星期六於大澳遊覽期間遇上曾樹和，對方仲有兩個後生仔隨行，期間高佬和入咗喺一間賣鹹魚嘅舖頭同店員傾偈，亦有揀下啲鹹魚，有店員則問佢噚晚招呼幾多人，似乎有宴客活動咁噃！雖然戴起眼鏡，多咗文氣，但高佬和嘅坐姿，依舊夠晒氣勢！