08年中，沙田馬料水山頭將有23幢別墅洋房拔地而起，屆時以哪種天價發售仍是未知之數，然而洋房深處埋藏的前世記憶，卻教香港人永遠懷念，因為那是粵語片談情戲的熱門景點，亦是老一輩香港人的拍拖勝地──雍雅山房。
見證雍雅山房前世今生的修哥（胡楓）表示，洋房落成後會到場緬懷一番，「雍雅山房以前係富商陳濟堂第六個仔陳樹中嘅別墅，佢同娛樂圈嘅人好熟，最鍾意招呼我哋去開party，間屋裏面有游泳池㗎，當時算係好巴閉。重起嘅豪宅我唔會買咯，不過點都想睇吓嗰度變成點嘅。」

修哥難忘亁炒牛河

其後陳樹中因生意失敗把地皮出售，修哥繼續成為雍雅山房常客：「除咗拍戲，我同爸爸都不時約埋嚟傾偈，呢度啲亁炒牛河同山水豆腐花真係冇得頂，家吓好難食得番咯。」地產商喜獲厚利，戶主喜獲舒適居所，港人卻失去那些褪色回憶的場景。
63年開業的雍雅山房，法文名稱YuccadeLac，意謂「湖邊之蘭花」，由於Yucca發音與「雍雅」相近而命名。餐廳背山面海環境幽美，可遠眺吐露港秀麗景致，粵語片的片段記載了胡楓、呂奇、謝賢、寶珠、芳芳、林鳳的綿綿情意與光輝歲月。回歸後餐廳屢傳結業，至05年9月，業主彭氏家族終以3.8億元把地皮售予百樂集團董事羅家寶，餐廳隨即關門大吉，現時路口被鐵閘所封，路人連地盤情況也難以窺見。