馬季在不同時段，會出現不同的賽事模式，季中賽期多大賽，大馬房如蔡約翰，通常在季中發動猛烈的攻勢，一個賽馬日贏三、四場司空見慣。反而，季尾階段大馬房的攻勢開始放緩，中、下游馬房亦趁機發難，部署馬匹在季尾搏殺，好似在練馬師榜倒數五個馬房，最近十次賽事總共贏了16場頭馬。

在騎師方面，正爭奪冠軍寶座的潘頓及莫雷拉，最近四次賽事，頭馬數目都是一場起、兩場止，反而其他騎師頻頻贏馬，頭馬分佈較平均，以剛啱周三夜賽（4日）為例，八場頭馬由八位不同的騎師瓜分呢。暑期香港冇馬跑，騎師收入大減，相信他們都希望在馬季結束前，贏返一、兩場頭馬，作為暑期的使費呢！

郭能（外號馬場Ironman）上季所贏獎金高達五千九百幾萬，而獎金收入超過五百萬港元，但他今季成績大倒退，獎入收入少了差不多四成，數目可真不少，難怪他近期落場比賽，發揮特別落力。

周日（8日）第二場五班泥地1200米，郭能繼續騎高廐馬「勁快步」，最近兩仗跑同程都後上入圍，今次相隔上賽五個半星期，已經回復足夠體力，6月26日晨課與上周出賽幾乎贏的「超能量」拍跳，走勢亦不落下風，埋門兩課快跳由副練負責，動態相當積極，狀態已及爭勝水準。

此駒在港13戰仲未贏，而轉廐後亦屢拚未逞，幕後急於求交代，戰意肯定會好，郭能騎慣騎熟，今仗贏馬開齋機會高。