該民主派人士說,目前氣氛有點似23條立法最初階段,「開始多人關心,而且唔止係民主派支持者,仲有來自建制陣營」。他稱近日開始多了屬建制、保守陣營的商界及專業界人士對他說,支持民主派反對修訂《逃犯條例》,「不過佢哋喺大陸有工作有生意,又或者接政府工作做,唔方便公開反對,但就話如果搞群眾運動,佢哋會支持」。該民主派人士稱,現時修訂《逃犯條例》尚未上立會,已經令一班原本是保守陣營的市民反對,「再搞多幾個月,好似當年23條立法咁,越揭越多魔鬼細節,反對嘅人隨時以倍數計爆升」。
另一民主派人士更指,有需要研究如何集結商界、專業界等不同界別力量,先在地下組織力量,「出唔出面講唔緊要,只要有個網絡團結呢班人」,到民主派號召上街,「例如今年7.1,一次過動員爆發十幾廿萬人反政府,到時睇北京、林鄭點同香港人、國際社會交代」。
季陶
周一、三、五刊出