關心妍(Jade)舊年7月生咗囡囡楊榮心，有女萬事足嘅Jade，早排就開始俾阿女返Playgroup，雖然兩公婆都好錫囡囡，但Jade就話將來唔需要讀名校，品德禮貌先係最緊要。

講到囡囡o依家開始識叫人，關心妍就呷晒醋話：「心心o依家只識叫爸爸，教佢叫媽媽，佢都係叫爸爸，我都冇晒辦法。」Jade唔係得個講字，噚日佢就po咗條短片出嚟，鏡頭後，Jade猛咁同囡囡講叫「媽媽」，但心心邊玩具，把口就一味叫爸爸，Jade教佢講媽媽起碼10次以上，但心心都只係繼續講爸爸，事後Jade留言話：「叫媽媽爸爸Battle，我投降。」囡囡咁得意，唔好話爸爸，就算未識嗌媽媽，都冧到Jade暈一暈。

想隨時獲得更多親子資訊，快啲like Easy PaMa Facebook啦！
https://goo.gl/1qWM8g