【夕陽工業】潘源良替有線講波18年:啲人唔理邊個講波搵到link就睇
潘源良有線寬頻
有線寬頻(1097)旗下有線電視收費電視牌照,本應於今年5月31日到期,去年底獲政府批出12年期收費電視牌照,由2017年6月1日開始至2029年5月31日結束,不過根據九倉今日通告,「集團現時對有線寬頻的資金承擔於期滿後將不會延續」,意味有線寬頻可能最快於今年5月31日結束運作(新聞連結: http://bit.ly/2nhy0rT )。
潘源良替有線講波差不多18年,有留意有線有機會倒閉嘅危機,佢話:「合作咁多年當然覺得可惜,不過心理上一直有準備o依家文化娛樂難做,互聯網搶咗好多有潛質用戶。」
阿潘話喺之前已經同講波同事講,講波已經係夕陽工業,只可以話天下無不散之筵席:「o依家啲人唔會理邊個講波,總之上到網搵到條link,講泰文好、英文好都得,所以一早就有心理準備。至於發展成點,同點發生就要睇落去,我99年加入有線講波到o依家。」阿潘話唔只收費台難做,就算免費台,因為轉播費太高昂,所以好難營運。