【賭馬講呢啲】潘頓追雷神 純粹靠幸運?(妙瞳)
潘頓容天鵬雷神妙瞳賭馬講呢啲幸運精選
今次(11日)沙田賽事所有特別彩池沒有多寶,加上欠缺像「天下為攻」這類明星馬在陣,不少場次充斥季內未贏分子大混戰,可能是季內賭頭最弱的周日賽事。
既然今日欠缺實力強勁之輩,選馬時大可將騎師的比重放大一點。今次雷神停賽,潘頓順理成章可擔大旗,雖則後者目前落後12場頭馬,要挑戰冠軍騎師寶座不乏難度,但近期仍見潘頓擺出爭標決心,就像剛周三(7日)騎「百步穿雲」輸影相兼被罰停賽,潘頓全程走內叠慳位花盡心思。
按理今日沒有雷神,潘頓應會把握數糊機會收窄差距。雷神稍後能贏多少馬,潘頓無法控制,但要令自己維持爭標機會,爭取更多馬房提供實力座騎則做得到。
上季潘頓與容天鵬夾檔34次不算少,但今季暫時只得10次,成績一W三Q又不算差,難得今次容廐第二場有實力馬「幸運精選」由潘頓壓陣,是騎者重新攞印象分的大好機會。
此駒在港上陣兩次,初出跑第三已有板有眼,剛戰再跑1200米只跑第五表面看演出倒退,實則全程被頂在外叠極之難跑輸兩個馬位,走蝕腳程夠找有餘,今次「幸運精選」用到擅於走位的潘頓,應可對症下藥。
至於容天鵬今日另一匹「幸運」第八場「幸運美金」,去年10月尾排11檔跑三班同程,遇上快步速就算潘頓早段力騎仍未能埋欄,最終只敗於今季四捷的「僥倖」獲亞,其後在國際賽日跑二班同程,直路走不利中內叠跑線仍有第四。