現年37歲嘅韓國男星奉太奎，憑劇集《Return》嘅出色演技而人氣急升，更獲帶挈攜愛兒奉時河演出人氣育兒節目《超人回來了》。

而奉太奎嘅攝影師太太今年5月再誕下寶貝女奉本雨，湊成「好」字，奉太奎就透過今日播出嘅《超人回來了》首度公開愛女樣貌，十分可愛。節目更播出一家四口到夏威夷旅行嘅片段，奉太奎提到婚後因為經濟上嘅困難，所以冇去到度蜜月，一直都覺得好對唔住老婆，對於今次4個人嘅蜜月旅行亦係好珍貴嘅回憶。另外，雖然囝囝時河依家先2歲，但已經好有哥哥風範，不時溫柔地望住及照顧細妹，奉太奎都感到好欣慰。

精選韓流，喺晒《娛果》
http://fb.com/appledailyent