現年三十多歲的阿鳳,身形矮小,無論外貌與聲線,皆像一名十多歲少女,旁人羨慕她駐顏有術,實則她罹患重型地中海貧血病,有苦自己知。
「呢種病會影響發育,要食荷爾蒙藥輔助,我生得咁細粒,好無自信,老闆會覺得我弱質纖纖做唔到嘢,所以好難搵工。」阿鳳苦笑道。
阿鳳從小身體十分虛弱,需定期輸血以維持性命。但長年累月輸血,令她身體積存過量鐵質,引發連串後遺症,包括內分泌失調、毛髮脫落等,其中最嚴重是胰臟受損,引致糖尿病。
每周三晚注射除鐵藥
阿鳳說︰「我身體嘅鐵含量一直徘徊喺萬幾度(正常人約為八百度),屬好犀利嗰種,𠵱家一星期有三晚要注射除鐵藥,另外要日日打胰島素針,令手臂、大髀、肚皮啲肌肉都俾我打到硬晒,已經好難搵地方落針;近幾年個病重開始唔受控制,無論點打針都冇用。」
本港醫院近年引入一種口服除鐵藥Deferiprone,阿鳳半年前曾獲醫生處方免費服用該藥作臨床研究,顯示治療效果理想。「我食咗呢隻藥半年,鐵含量由萬幾度降到八千幾度,好有幫助。」