當年今日
關於我們

心情靚靚 行色匆匆
柏芝捧Eason30分鐘嫌多!

蘋果日報 2003/02/20 00:00


張栢芝前晚和一位女性朋友去看陳奕迅演唱會,栢芝一身紅色打扮,心情甚靚,不但笑容滿面,還向記者說「新年快樂」,但栢芝看了不夠半小時便突然消失,不知何時離場。
陳奕迅(Eason)前晚在紅館舉行第三場演唱會,到場欣賞的圈中人包括余文樂、Shine的徐天佑和黃又南、蕭正楠和陳驊等。八點半演唱會開場後,張栢芝和一位女性朋友匆匆趕抵現場,栢芝一身紅衣,更戴了紅色帽,十分搶眼,其心情亦十分之靚,見到記者不但滿面笑容,還向記者說「新年快樂」。

坐高層身旁
栢芝入場後坐在MusicPlus高層甘菁菁身旁,但她並沒有看足全場,半小時後已不見她的蹤影,而栢芝的女性朋友,亦在九時許駕駛栢芝的黑色吉甫車離開,惟至那時也不見栢芝。
而Eason前晚繼續在台上「玩嘢」,他和新加坡創作人陳奐仁合唱後來個擁抱,Eason說:「有冇um親你呀?」陳奐仁即向觀眾說:「Heisabiggay!」引得全場大笑。

「搞到濕晒」
與觀眾握手時,有觀眾向Eason說:「你小心啲呀,你得番一粒咋!」Eason即時回應說:「邊個話我得一粒,我重有四粒,夠膽你就嚟睇吓!」
此外,Eason大唱陳百強和譚詠麟的的歌曲時,扮足二人的唱腔,引得全場尖叫,Eason更說:「你哋搞到我濕晒,我腳板底濕晒。」其後他唱《他一個人》時說:「有啲人唔開心,係因為冇感情生活。」台下觀眾即大叫徐濠縈的名字。
採訪:駱華齡 
攝影:林德雄
empty
張栢芝(中)一身紅衣打扮捧陳奕迅場。
empty
陳奕迅與創作人陳奐仁(背著者)大講有味笑話。
empty
陳奐仁(右)