【本報訊】市區重建局在深水埗海壇街/桂林街及北河街重建項目仍未完成收購，其中一位受重建影響的住戶蕭太一直與局方商討賠償安排，但其單位前日突然遭市建局強行清拆木門及鐵閘，她直斥市建局手法粗暴，「唔係有商有量咩？點解趁我去覆診，就嚟拆去我間屋？咁同爛仔有乜分別？」而市建局發言人則回應，該名住戶並非自住業主，局方一直與她商討補償問題，指行動是按法律及政策進行。
深水埗海壇街重建項目已展開收購多年，至今仍有部份住戶留守，居於桂林街一個約200呎的單位的蕭太就是其中一戶，她與市建局已抗爭長達8年。

「市建用盡方法趕走我」

蕭太稱，一直與市建局商討賠償安排，但未能達成共識，其單位下周一更會被執達吏清場。但清場前夕，前日下午她接獲街坊通知，其單位外的木門及鐵閘被人強行清拆，「我真係好驚，咁係咪即係連傾都唔使傾？市建局原本約我夜晚傾，但下晝就搵人拆我間屋！會唔會聽日就嚟淋我紅油？」
蕭太當日已即時報警求助，她又引述警員指因為單位的木門及鐵閘阻礙走火通道，因此要清拆，「我喺度住咗咁多年，今時今日先話阻住走火通道，有無搞錯？」
蕭太又批評，市建局一直提出的收購價只有百多萬元，根本不能在同區置業，「我哋只不過係想安居樂業，但佢哋就用盡方法，趕我哋走。」她要求市建局妥善賠償或原區安置。