由河知雲、池昌旭、朱鎮模飾演的《奇皇后》將於今晚大結局，噚晚播出第50集，收視有26.2%，劇情講到皇帝妥懽(池昌旭飾)從前丞相嘅兒子唐其勢（金正賢飾)口中得知摩訶王子係奇承娘(河知雲飾)同高麗國國王王裕（朱鎮模飾）嘅兒子，為免被承娘知道自己已知道呢個秘密，皇帝就親手殺死咗唐其勢。

之後皇帝仲派人去搵知道呢個秘密嘅徐尚宮(徐怡淑飾)，徐尚宮直言除咗自己外，仲有王裕同王裕嘅幾個部下都知道呢個秘密，皇帝為了保護承娘親手殺死徐尚宮，並決定要將這個秘密永遠保留下去。

承娘終於順理成章被冊封為皇后，王裕亦因救承娘和皇帝有功而被獎賞畀佢復位做返高麗國國王。承娘和皇帝回寢宮，皇帝輕吻承娘嘅額頭，不過原來皇帝已決定為保護承娘嘅安危，派兵追殺王裕，王裕為咗承娘亦冇反抗，最終死喺皇帝嘅劍下，承娘得知後趕到，並抱住王裕嘅屍首傷心痛哭。

承娘從現任丞相脫脫(陳益漢飾)口中估計皇帝已得知了摩訶身世嘅秘密，先會殺死王裕。承娘見到熟睡中嘅皇帝係夢中依然叫住自己嘅名字，承娘知道皇帝嘅內心好傷痛，所以亦沒有怪責皇帝。

而皇帝嘅病情一直未有起色，原來佢個近身太監但私下卻係鷹泊商團首領嘅骨朵(趙在允飾)暗地裡餵佢食毒藥，搞到皇帝成日迷迷糊糊。另一方面，承娘亦追查鷹泊商團首領嘅身份係何方神聖，佢不惜潛入敵營去揭露真相。