「九月開始到𠵱家都冇出糧，向勞工處投訴一味話會跟進，明知間舖違例都唔檢控，只係識得話跟進緊，等吓一個月，等吓又一個月，都唔知要等到幾時。」於茶餐廳任職「麵檔師傅」的朱先生，因工受傷期間，遭僱主拖欠薪金，向勞工處求助毫無成效，無奈只有轉向本報投訴。
工傷被欠薪數月
朱先生今年四月受聘於觀塘炳興茶餐廳，月薪一萬四千元，平日負責茶餐廳麵檔內所有工序。六月二十六日，工作時不慎滑倒，整個人坐入一窩約有半個人高的滾湯內，全身百分之六十被嚴重灼傷，住院一個月，出院至今仍需定期到沙田威爾斯醫院覆診，且獲醫院醫生簽發病假紙。但在病假期間，其僱主只有首兩個月按法例發放薪金，九月起至今便一直拖欠，令作為一家五口經濟支柱的朱先生，家庭經濟陷入困境。
老闆質疑病假紙
「老闆質疑我封病假紙，要勞工處問醫院攞報告，勞工處問醫院攞完報告，僱主又話唔信份報告係真，存心拖延唔出糧。」更令朱先生氣憤的是，「勞工處啲職員淨係識話跟進緊，要調解，明知違例都唔檢控，重話佢唔畀都冇佢符，你急佢唔急，一啲都幫唔到我。」
遭拖欠薪金多月，朱先生生活捉襟見肘，欲申請公共援助，但社會福利署指他仍受聘於茶餐廳有人工而拒絕，而其身上被灼傷的部位須進行植皮手術，但仍未完全康復，受傷最嚴重的腳部仍要穿壓力褲，走路緩慢，以減痛楚。
炳興荼餐廳負責人翁先生在回覆本報查詢時表示，「我哋唔係唔畀（人工），但個員工「冤」個醫生開假紙，我哋有懷疑，𠵱家正向醫院搞清楚，澄清之後，如果需要畀，就會畀。」