立法會3.11補選如箭在弦，代表民主派出戰港島嘅前民主黨成員、南區區議員區諾軒，獲整個民主派傾力支持，今日更加獲民主黨元老、前港島立法會議員楊森出面力撐，喺石排灣邨嘅街站呼籲支持者投票。區諾軒話感激民主黨不計前嫌協助拉票，又預告未來將有更多民主派重量級人馬登場助選。到底有咩明星級人士登場？據知有民主黨李柱銘同單仲偕、公民黨余若薇同前政務司司長陳方安生等。

區諾軒感激民主派團結支持自己參選，至於點解首波明星級造勢，搵嚟久未露面嘅民主黨前主席楊森助選？區諾軒話當年楊森出任立法會議員期間，協助受黃竹坑重建影響嘅市民遷入石排灣邨，至今仍然受街坊愛戴，相信有楊森助選可以令勝算大增。

港島區其他候選人包括伍廸希、任亮憲、陳家珮。

立會補選新聞，《蘋果》一網睇晒
https://hk.feature.appledaily.com/legco2018/