1) 2012年奧運女雙黑卡事件

該屆奧運女雙小組賽最後一輪中，中韓印代表為走線消極作賽轟動球壇，印尼和南韓的球手對壘時，更即場被罰黑卡取消資格，梁家樂(Edwin)憶述當年一踏入球場已有預感必有大事，「當日個個影大球手，但我入到場見裁判長、副主席望實佢哋，我聞到浸味，我就唔郁繼續睇，跟住呢位裁判行入場，我已經預備好㗎喇，我喺門口你行一步我行一步，張卡一出嚟就影到。邊度有人會影女雙呀，所以個個都冇相。」

2) 80年代中社區中心慢快門

梁家樂以拍攝業餘球員起家，他收藏不少以前於社區中心比賽的相片，「呢張係喺蘇屋社區中心影嘅比賽，好暗嘅場面，我用慢快門影佢衝過嚟。」

3) 2009年廣州蘇迪曼盃，林丹《球兒你往哪裡逃》

梁家樂指林丹飛身常見，但他獨愛林丹在這張照片的神情，「呢張係好被動咁接波，神情又好集中，被動得嚟嘅一剎那感覺又好好，因為佢係追住攞波。當屆有個攝影比賽，我搵馬來西亞記者幫我改名做《球兒你往哪裡逃》，意思係你去到邊我都追到你，最後攞到一等獎，都有3、4千蚊獎金。」

4)1993年 香港 亞錦賽，中國球員鄭昱閩心臟病發

該屆亞錦賽於香港舉行，中國對印尼一役中，鄭昱閩突然心臟病發暈倒，梁家樂拍下驚險一幕，「第一個法國醫院洪醫生落到嚟話佢瀨尿喇，猛咁做個心都跳唔到，只係畀到氧氣佢。」鄭昱閩大難不死，年底退役，其後與現任港隊教練王晨結婚，後來梁家樂入院切腦瘤，鄭昱閩亦有探望。梁家樂指期望再與當年有份救人的七位醫生重聚話當年，「總共有七個醫生，我好好心機有晒聯絡資料，不過我掛住生意冇時間，家陣我想搵返班醫生一齊食個飯。」

-----------------------------

《體蘋果》 陪你睇波講波

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！