練馬師大摩同騎師莫雷拉近年一直合作無間，上季更憑「佳龍駒」（已歿）創造本港首匹四歲三冠王，但唔知咩因由，佢哋兩個忽然足足半年冇合作過。

直至剛周日（17日）沙田賽事，呢對騎練先至破冰，今季首次賽事有合作，並憑第五場「得勝駒」贏馬齊入凱旋門，似乎兩者關係已重新確立。

其實早於昨日賽前，雷神曾接受英文報章訪問，親述自己同個別馬房的關係大不如前，他雖沒有指名道姓，但不少馬迷都將他的講法與大摩扯上關係。

他說：「有些馬房，我和它們的關係已經磨損了。一個騎師幾乎不可能讓每一位練馬師都感到開心，怎都會有人感到不高興，但我不是故意讓人感到失落，只不過總有人會以另一角度看我。」

「我至今仍想贏得冠軍騎師，而且我很大機會取得，但這一切不僅只取決於我，還需要練馬師及馬主的支持。」