當年今日
關於我們

16港上市公司獲傑出企業獎

蘋果日報 2013/11/18 06:00


臨近年尾,頒獎禮特別多。今日CapitalWeekly舉行傑出上市企業大獎,頒獎予16間上市公司,當中九龍倉(004)除咗能為股東帶來良好投資回報,其社會服務工作亦做得相當出色。

九龍倉企業傳訊經理符嘉儀介紹,集團上個月再撥出5億元,推行第二期的「學校起動計劃」,今次面向的服務對象,將增加至全港150間基層中學,學校可以自動向集團申請。

此計劃早於2年前開始推行,第一屆集中扶持14間中學,每年平均資助每間學校約200萬元,協助學校建自修室、甚至家居生活大廳,「畀佢哋學習摺衫、煮飯、打掃等自理能力。」

九倉仲開放集團旗下公司如現代貨櫃碼頭、天星小輪、iCable等,讓同學參觀,了解職場實際環境。「佢哋參觀完集團旗下物業管理公司夏利文,先知道物業管理係可以喺五星級酒店工作,唔係淨係坐喺度做保安。」「其實只要畀啲關懷佢哋,佢哋條路可以唔同行法!」學校起動計劃亦獲得政府認同,10月財爺曾俊華就出席活動暑期實習頒獎禮嘉賓。