隔牆有耳：
黐住膠布為囡囡療傷
CY齊昕同病相憐 - 李八方
蘋果日報 2015/11/30 00:00
現年24歲嘅特首囡囡梁齊昕，經過上月底萬聖節扮鬼中環夜蒲，最後失控當街摑咗母親唐青儀兩巴掌後，冇乜點喺公眾場合出現，就連佢Instagram亦少咗po嘢，搞到粉絲都囉囉攣，唔知呢位第一家庭嘅叛逆女神，近況係點？噚日齊昕又喺ig報平安，但諷刺嘅係佢話自己受傷了，由老竇即係特首梁振英幫佢貼膠布。
齊昕腳放老竇大髀
自從摑母事件後，齊昕真係低調咗好多，潛水避傳媒，好在仲有update佢嘅Instagram。
齊昕好鍾意凌晨上網，唔通夜闌人靜特別有感覺？噚日佢喺凌晨約近兩點鐘，擺咗張4格相，以為係靚樣？錯嘞，全部係手腳受傷相，最抵死係用膠布打交叉貼住傷口，留言：「整日損手爛腳。」
粉絲見到佢受傷，或者都會戥佢陰公豬，但相中同時見到，有一對溫柔嘅手幫佢檢視傷口，邊個有幸一親香澤？原來係老竇梁振英幫囡囡療傷，齊昕留言：「爸爸幫我包紮傷口。」
睇返張相，齊昕隻腳放咗喺老竇大髀上面，但梁振英對手都貼咗膠布喎，父女同病相憐。
而相中見到無樣嘅特首踢住人字拖，屋企look當然係casual啲，網友睇到呢幕都話好sweet，睇嚟齊昕真係同爸爸感情好啲。
齊昕好鍾意凌晨上網，唔通夜闌人靜特別有感覺？噚日佢喺凌晨約近兩點鐘，擺咗張4格相，以為係靚樣？錯嘞，全部係手腳受傷相，最抵死係用膠布打交叉貼住傷口，留言：「整日損手爛腳。」
粉絲見到佢受傷，或者都會戥佢陰公豬，但相中同時見到，有一對溫柔嘅手幫佢檢視傷口，邊個有幸一親香澤？原來係老竇梁振英幫囡囡療傷，齊昕留言：「爸爸幫我包紮傷口。」
睇返張相，齊昕隻腳放咗喺老竇大髀上面，但梁振英對手都貼咗膠布喎，父女同病相憐。
而相中見到無樣嘅特首踢住人字拖，屋企look當然係casual啲，網友睇到呢幕都話好sweet，睇嚟齊昕真係同爸爸感情好啲。
齊昕上載損手爛腳相，話圖中幫佢包紮嘅踢拖男就係CY。互聯網