韓國軟體公司Cashslide早前就進行咗「預計2016年個人出道將大獲成功嘅屬猴女團成員」調查結果，當中人氣女團EXID成員Hani就成為冠軍。

今次調查係針對10歲至39歲嘅逾千名用戶作對象進行調查，當中Hani就以46.2%大比數支持率成為冠軍，支持Hani中男女用戶各佔52%及48%，有大部份嘅用戶都認為Hani喺綜藝節目上有所成就，所以預計佢明年都會繼續發展相當如意及順暢。

至於排第二位就係SISTAR成員昭宥，佢有21.6%支持率，當中支持昭宥嘅用戶以女性為主，63.5%嘅用戶都認為昭宥將通過發行新曲大獲成功。而排第三位就係MAMAMOO成員玟星，佢有17.0%支持率，當中支持玟星中有唔少係10幾歲嘅少女，而佢哋都對玟星喺發行新曲方面十分期待。