金像獎延期一年︱陳果擔心細片無運行 下月或缺席台灣金馬爭獎
蘋果日報 2020/10/05 21:10
楊凡陳果章小蕙繼園臺七號
（左圖：蘋果日報）
（新增內容）
導演陳果今日在灣仔會展出席楊凡舉行的《楊凡給香港的情書》展覽，對於香港電影金像獎早前宣佈將延期一年舉行頒獎禮，有指陳果認為「好離譜」，今日他接受《蘋果》訪問時表示︰「唔係離譜，我只係唔希望停辦一年，大會都決定咗，我只係發表吓個人意見。」問到2年的電影合併一屆來評選，會否覺得競爭更大？他謂︰「細片可能冇運行，要睇吓評審嘅口味有冇改變。」
陳果指近年一些新導演的非主流電影，都能入圍甚至拿獎，他認為即使一年只有20部戲都可以繼續搞，他說︰「我認為年年搞，可能一啲非主流電影會有機會，如果揀唔落手，獎項可以從缺，咁真係揀唔到就揀唔到嘛。」
另外，陳果憑執導電影《墮胎師》入圍台灣金馬獎最佳導演，雖然頒獎禮於下月21日舉行，但陳果預期未必能夠出席，他說：「正忙於籌備新戲，隔離期間可以寫劇本，但不能落街食飯，不能四處走動，要考慮一下。」
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！