光華候任主任平路來港申請要過吓冷河，八方最近遇到光華前主任江素惠，她對於中心有排都群龍無首，並不擔心，因為自己離任前中心已經上晒軌道，工作排到年尾。
所以江小姐離開光華之後，無憂無慮去土耳其玩咗十日，諗住過完年會再去歐洲。她還透露四月會重出江湖，搞一間文化企業，所以此行除咗散心，還為這盤新生意取經攞靈感。
江小姐咁有中國心，唔怪得被民進黨政府「打壓」。她感歎十年光華歲月，前九年都好順風順水，最後一年民進黨上台就特別辛苦；加上新政府強調本土化，江小姐自認香港人，話頂唔順所以要走。


E-mail：[email protected]