當年今日
關於我們

【「翠如BB股」急挫】火燒連環船!周顯爆係「幕後莊家」問題?

蘋果日報 2017/06/27 19:28

周顯股壇聯旺

股壇今日發生小股災,大量細價股遭瘋狂洗倉,收市跌超過8成,包括「翠如BB股」聯旺(8217)。專炒細價股嘅周顯話今次引起細價股齊齊跌,係因為火燒連環船嘅緣故(新聞連結: http://bit.ly/2tigqer )。
呢系列股票嘅「幕後莊家」係被指為聯旺炒風核心人物、人稱「粉哥」嘅殼股玩家葉志輝(Steven Yip),因為其中一隻爆煲,連帶其他同系股出事(新聞連結: http://bit.ly/2scS6uk ),周顯話:「翠如BB股同新確科技(1063)都係同一個莊家,佢係喺大陸做開傳銷,咁一隻爆咗,其餘嗰堆咪一齊爆,我哋套戲《私人會所》入面有講啦。」
而周顯就有份編劇嘅《私》片,粉哥個名都有喺戲入面出現過,就係其中一幕私竇做嘢嘅囡囡問其中一位顧客:「隻新確科技(1063)點啊?粉哥話得㗎喎!」周顯話粉哥係真有其人,套戲嘅故仔都係有根有據,不過《私》片喺facebook嘅宣傳片因為過激,有口交嘅真實場面而曾被下架。