日前，記者前往醫院探訪阿才，坐在輪椅上的他向記者細訴計劃出書的心路歷程：「以前我係健全，但唔識得珍惜自己，生活放蕩，受到藥物影響搞到要切咗隻腳，𠵱家好後悔；所以我好希望出書將以往嘅經歷寫出嚟，鼓勵社會人士唔好放棄自己，珍惜生命。」
5年前切除左腳
阿才自幼喪父，與母親及3名弟妹相依為命，他先後在廣告及顧問公司工作，70年代末，他與友人開設貿易公司，85年，因公司生意欠佳結業。其後，他誤交損友，因牽涉毒品買賣曾兩度入獄。
早年，他與妻子在內地結婚，育有兩名兒子，夫婦現已分開。
99年，醫生證實阿才的左腳長出血管腫瘤，需要切除，手術後，他變得意志消沉，租住板間房生活，依靠朋友接濟。00年，他在朋友帶領下信奉基督，現居於慈善團體宿舍。
「切咗隻腳之後，覺得人生冇晒希望，喺醫院試過自殺，但俾護士救番，之後有朋友帶我返教會，信仰令我人生觀改變咗，一方面重拾自信心，另方面又好後悔以前所做嘅嘢，希望回饋社會。」阿才說。