莊思敏、莊思明同龐景峰等人今日到中環，出席陳君宜開設嘅點心店試菜。

莊思敏最近斥資近630萬買入何文田新樓盤加多利軒一個單位。(新聞連結： http://bit.ly/2o9LLc0 )，即係早前有報道指，標價500萬嘅細單位，只得190呎開放式單位，成年男人坐喺馬桶連廁所門都關唔到嗰個納米樓盤。莊思敏受訪時表示：「我買嗰個係260幾呎一房單位，有睇過示範單位廁所門係關到嘅。」莊思敏購入嘅單位實用面積263方呎，呎價近2.4萬元，並非「不能坐的馬桶」戶型。

莊思敏仲話今次係首次喺香港置業，所以避到樓市辣招，但呎價仍要2萬3千蚊呎：「層樓係用嚟投資，2018年尾收樓，揀佢係地點喺旺區又近校網，相信有一定吸引力。」但會唔會覺得o依家樓市價錢同呎價唔成比例地貴？莊思敏話：「係貴㗎，但好多人都有住屋需求，相信唔同人有唔同需要，或者再投資我會考慮返馬來西亞、越南或者泰國。」