屈福特周六主場迎戰三哥李斯特城，翻查雙方近三季對碰，無獨有偶屈福特每次主場都贏2:1，加上聯賽停擺前曾勇挫利物浦，成為英超唯一一支打破紅軍不敗身的球隊，再者又與尾三的般尼茅夫同分搶分壓大力，今仗受讓平/半下盤可取！（球賽編號：星期六5；Viu TV99及now621台今日7:30pm直播）

屈福特今季出閘脫腳一直位列榜尾，直至找來李城神話奠基者皮雅臣領軍，即有脫胎換骨表現，一度踢出4勝2和走勢擺脫降班區。雖然及後表現反覆，但聯賽停擺前更在主場勇挫利物浦踢出代表作。雖然翼鋒迪路菲奧因傷缺陣，但仍有早前兩度射爆紅軍的伊斯美拿沙亞攻堅，在中鋒迪尼掩護下突擊力強，有望替主隊繼續搶分。加上領隊皮雅臣熟悉李城，可作針對性部署。

李斯特城雖貴為英超三哥，但對比去年年尾八連勝時的氣勢已回落不少，聯賽停擺前5場僅1勝，當中作客0:1更不敵包尾大幡諾域治。雖說他們要力保來屆歐聯資格，但目前仍領先第4位的車路士5分，搶分壓力不及仍未脫離降班威脅的主隊，更重要是李城每逢作客屈福特例牌腳軟，今仗還要讓波絕對信唔過！
文：尊嘉