有人為減肥節食，有人卻因為貧窮要節衣縮食，六十八歲的冼婆婆便是屬於後者。「我同老公每個月揸住雞碎咁多錢，根本冇法子學人大魚大肉，麵包舖老闆見我兩老咁慘，有時都會送幾個麵包畀我哋食。」
冼婆婆早年在工廠打工，勞碌半生，晚年得到的就只有一身病痛。「我早年撞傷腦，𠵱家瘀血都未清，弊在又做唔到手術，影響我成日頭痛、頭暈；另外，我又兩次中風，搞到手腳唔靈活。近排我連雙眼都唔妥，醫生話係青光眼，過幾日就要入院做手術。」說起自己百病纏身，冼婆婆不禁眼泛淚光。

三子女各有負擔

冼婆婆現與退休丈夫同住，由於三名子女各有經濟負擔，難以供養他們。冼婆婆歎道︰「仔女都畀唔到幾多，𠵱家主要靠我兩公婆嘅生果金、我個人嘅傷殘金維持生活，平日要好慳。」冼婆婆為減輕伙食開支，早前經老人權益中心轉介，向蘋果日報慈善基金申請索取愛心福袋，記者即為她達成心願。
冼婆婆拿着滿載白米、食油、即食麵、餅乾、牛奶及罐頭等食物的愛心福袋，顯得十分感激，她表示︰「呢個福袋真係好豐富，咁多食物，夠我哋食好耐！」
蘋果日報慈善基金年前設立「蘋果愛心福袋」專戶，向貧困人士派贈糧油食物，直接減輕弱勢社群的生活擔子，受惠對象包括長者、傷殘及貧病人士、單親及低收入家庭，迄今已有三百個家庭受惠，歡迎有需要家庭或社會服務機構申請。
商戶和善長可透過捐贈糧油食品或善款，攜手推動這項有意義活動，查詢詳情，可致電《蘋果》暖流版熱線：29908688。
「蘋果愛心福袋」專戶捐款編號︰C1345

暖流熱線
電話：29908688
傳真：23702192
電郵：[email protected]
網址： http://www.charity.atnext.com