九一八事變，日本軍隊1931年以中國軍隊炸毀日本修築南滿鐵路為由佔領瀋陽，其後全面侵華，直至1945年8月日本宣佈無條件投降。

經歷過呢段慘痛歷史，中國一直拍唔少抗日電影，由神化中共，近年已進化成「抗日神劇」，將民兵都變埋superhero，唔只下體可以收埋手榴彈，仲可以連日本貞子都「馴服」埋，做「抗日神器」(新聞連結： http://bit.ly/2hbxdat )，又可以人手捉子彈，一個民兵打十個，劇情誇張到令人不敢直視(新聞連結： http://bit.ly/2wzssx8 )。

連大陸導演馮小剛都忍唔住出聲，噚晚出席活動，宣傳新片《芳華》，播出一段六分鐘嘅長鏡頭戰爭戲，鏡頭追著黃軒，展現一段完整戰爭，馮導稱「這樣拍是希望客觀表達出戰爭的殘酷」。

同樣拍戰爭片嘅馮導再次批評「手撕鬼子」抗日劇，佢直言：「一個民兵可以幹掉幾十個鬼子，那為甚麼要打8年呢？戰爭是血腥殘暴的，這種遊戲化的拍法，你以為是在醜化鬼子，實際上是對自己極其不尊重，是對災難的不尊重。」