當年今日
關於我們

電腦展覽:直擊台北COMPUTEX2003
BenQ數碼產品走勻全屋

蘋果日報 2003/09/24 00:00


這邊廂上海CeBIT剛剛閉幕,那邊廂台北COMPUTEX2003又告開鑼。今年台北COMPUTEX2003,各大廠商均全力出擊,並將目標鎖定於流動性之上。當中以BenQ的陣容最為強大,新產品鋪天蓋地之餘,更找來樂隊現場大唱BenQ主題曲,將電腦展變成演唱會,極具娛樂性!

記者、攝影:劉耀祥
逢星期一至日出版
樂隊大唱BenQ主題曲
今年COMPUTEX2003總共有三個展館,以第一館最為大面積,其中佔最大攤位面積的BenQ展出多款新產品,當中以家居影音產品為重點,如只有5.9公分厚度的JoyHubDVD錄影機,為全球最薄之DVD錄影機,不過更搶眼係剛奪得今屆COMPUTEX2003最具創意產品獎嘅MediaGateway,接駁至DVD、VCD等器材後,可即時壓縮成MPEG4格式,以無線方式傳送電視機播放,擺脫駁線煩惱,大可拎部電視機四圍睇。而家居產品又點少得電視機,今期大熱的LCDTV,BenQ亦有展出最新的30吋LCDTV,可視角度更達170度,坐喺邊度睇都一樣睇得到。
empty
■以無線傳送MPEG4的發射器,可無線接駁電視機。
empty
■今期Smartphone大熱,BenQ亦展出旗下的P30。
empty
■手提DVD機,可以插入CF卡睇相,十分輕巧。


COMPUTEX夠代表性
台北COMPUTEX2003今年已經第23屆,去年入場人數超過20,000名,今年參展商更高達2,400個,由電腦軟件到各式硬件均應有盡有,為全球注目的IT界盛事之一。
empty
■30吋特大LCDTV,亦屬BenQ重點新機。
empty
■500萬像素相機愈出愈細部,BenQ的C50以傳統相機外形殺入市場。
empty
■JoyHubDVD唔單止功能夠勁,體積更係全球最薄。
MiTAC大堆頭全新Smartphone
MiTAC攤位設於第三館,一進會場就已經見到一字排開的新手機及PocketPC,除了已在港推出的Smartphone8380之外,MiTAC更首次展出後繼機8390,與網頁上流傳的一模一樣。用上微軟Smartphone2003OS,支援中文系統,鏡頭亦升級至30萬像素。不過要數至強Smartphone,8390仍只係排第二,皆因同場重有部8360,比8390更多了個外彩芒,由外形到內櫳亦更加靚仔,與大熱的韓風手機更加接近。除手機外,PDA亦是MiTAC強項,Mio系列就有新機Mio168,內置GPS系統,令人眼前一亮。
empty
■8390為8380後繼機,預計今年尾就會推出市場。
empty
■Mio168內置GPS系統,相當有新意。


同場精采產品
empty
■最強手機8360是首部內置雙彩芒的Smartphone。
empty
■按鈕亦重新設計,十分韓味。
隨身播片機
隨身嘅數碼裝備除MP3、PDA之外,最新興起嘅就係睇戲。CMC最新產品「PAV」可播放MPEG4格式檔案,外形有啲似iPod。現場睇流暢度簡直一流,畫面清晰度亦都相當滿意,絕對令人期待!
empty
三星藍芽耳筒
Intel於會場中擺放大量採用Intel晶片之產品,當中惹人注目就有呢款三星的藍芽耳筒,超細外形收埋都幾方便,有接聽掣及音量掣,最緊要係夠輕,掛喺耳仔都唔會墜住隻耳。
empty
華碩手機現身
生產電腦產品的華碩,新作就係出手機,型號為J100的手機,充滿韓風味道,功能亦有齊時下大熱,集三頻、GPRS、6萬5彩芒、16和弦於一身,預計11月就會在港推出。
empty
靚女滿場飛
每逢展覽會都唔少得靚女ShowGirl,COMPUTEX2003都唔例外,當中更不乏性感靚女!
empty
■台北ShowGirl質素拍住日本咁高。
empty
■蝴蝶仙女即場大派禮物。
empty
■兩位高妹不斷派傳單。