【新增影片】
今年喺全運會之後退役嘅中國女排名將魏秋月，喺今日即係佢嘅29歲生日領證結婚，雙喜臨門兼夠晒甜蜜。

1988年9月26號出世嘅魏秋月原本係天津女排隊員，2008年北京奧運係中國女排獲得銅牌成員之一，舊年里約熱內盧奧運協助中國女排重奪金牌。魏秋月喺舊年聖誕節接受咗男友、中國女排教練組成員之一嘅袁靈犀求婚，今年7月兩個嘅婚紗相已經曝光，到咗今日佢哋終於領證結婚，成為合法夫妻，值得恭喜。