當年今日
關於我們

【城城訪問(1)】同Moka拍拖唔夠1年城城:相處唔係講幾長

蘋果日報 2015/12/02 06:00

郭富城Angelababydada陳靜城城施念慈夜店CeliaK.Moka國產LeahDizon方媛新城嫂

城城今日現身受訪,罕有風騷談新戀情,開頭照例講下獎項同新片嘢,不過講講下佢自己都開始講戀情喇,城城話:

「最近我嘅生活大家都知,大家睇住我成長,都知我感情路好低調,o依家呢一刻換個新方式,去同自己一個對象去...可以用另一種方式去了解,去認識,都想得到大家祝福同認同,將來係點冇人知。」

記者:點解咁公開?
城城:點解?唔同階段,你學習成長過程想改變,就係咁簡單,我成熟啦,我公開咗都唔會影響工作。

記者:公開係想認定女友身份?
城城:最主要原因係唔好再去睇返過去嘅嘢,每個人都有過去,我要改變我過去嘅生活方式。

記者:開始咗一年?
城城:冇冇冇,好短嘅時間,我覺得兩個人相處唔係講緊幾長。

記者:女友有咩吸引?
城城鬼馬話:將來話你知,有啲嘢好私人o架嘛。

記者:點識o架?
城城:大家朋友嘅朋友,食飯認識,好正常社交,圈內嘅朋友,大家唔好誤會,大家唔使太過執著幾時識呀,邊間餐廳呀,唔需要咁執著,最重要係o依家我覺得依家嘅方式開心,希望得到大家祝福

記者:o依家係咪好sweet?
城城又鬼馬話:唔話俾大家知住。

記者:Moka係結婚對象?
城城:其實冇人知將來點,都講咗,係一個公開方式,我覺得會係對我嚟講係合適嘅,o依家成熟,所以係啱timing去做呢樣嘢,比個天安排。

記者:係比名份女友?
城城:冇諗到咁複雜。