70年代日劇《新青春火花》已故女星坂口良子離世多年，其27歲獨女坂口杏里因沉迷鴨店花光母親遺產，欠下周身債而轉戰AV界，去年4月一度因涉嫌恐嚇一名男陪酒被捕，坂口杏里去年7月仲轉戰六本木高級酒吧下海做陪酒，不過做咗兩個月，佢以「想回歸普通生活」理由，宣佈退出演藝圈同埋AV界。

相隔半年，坂口杏里又再現身AV網站「DMM.LIVECHAT R.18」成人直播聊天室，想靠老本行賺皮肉錢。據知，坂口杏里轉行陪酒後雖一度成為紅牌阿姑，但仍戒唔甩大使性格，加上又搣唔甩蒲鴨店，後來跟夜店發生糾紛，最後搞到冇得撈，可能因為收入大不如前，亦唔想捱過貧窮生活，結果都係打算重返AV界搵食。有圈中人指，坂口杏里再度下海拍AV已欠話題性，佢可能會被要求拍攝更誇張、更重口味AV演出。

精選娛聞，喺晒《娛果》
http://fb.com/appledailyent