【新增內容】

有「香港人的後花園」及「雀鳥天堂」之稱元朗南生圍，噚日下畫發生山火，消防接報到場後，發現有3條火線，一條長達20米，另外兩條火線各伸延10米。消防動用3個消防水泵灌救，焚燒17小時後，終於喺今早8時左右救熄，不過現現場有大片山草被燒毀，多處地點都有山火痕迹，幸好著名景點婚紗橋幸完好無缺。(新聞連結： http://bit.ly/2p9xZIV )

講到南生圍，除咗係旅遊景點之外，同時亦係唔少劇集同電影嘅外景勝地，好似有《尋秦記》、《回到三國》、《胭脂水粉》、《布衣神相》、《野蠻奶奶大戰戈師奶》同埋《EU超時任務》等等有去過，基本上每一個角都好有親切感，連發哥周潤發、三哥苗僑偉都試過喺南生圍俾《蘋果》讀者捕獲。

今日楊思琦都有喺ig留言講呢件事，話晒當年佢喺無綫拍劇，去過無數次呢個地方，自然有好深感受，佢留言話：「心痛…… #南生圍 著火，她是雀鳥天堂也是香港的後花園，我們拍戲經常在那裡取景，難得少有的綠洲美景！希望快點熄滅。」

另外，何傲兒曾喺南生圍拍過大台劇《回到三國》，對於南生圍被火燒，佢今日短訊回覆《蘋果》：「之前都在這裏拍過古裝劇， 好心痛我們城市中的綠洲變成這樣，希望消防員盡快救熄呢場火，大家都有責任保護番大自然和樹森，盡量不要讓山火再發生。」

精選娛聞，喺晒《娛果》
http://fb.com/appledailyent