大家都知韓國「國民MC」劉在錫做主持就實力一流,不過如果佢唱歌做歌手又會點呢?綜藝節目《超人回來了》中雙胞胎嘅爸爸李輝才,於噚日播出嘅節目《1對100》中就自爆本來要跟劉在錫組成合唱二人組出道,可惜失敗收場。
節目中,李輝才表示:「我差啲就跟劉在錫組團啦,當時劉在錫正係困難嘅無名時期,我哋係同一間公司,所以好啱傾。我本來打算跟劉在錫組成合唱二人組,組合名叫『Prince』。我哋甚至已經畫好咗代表搖滾歌手嘅煙薰妝,在錫仲準備化名為J,但係最後連一首歌都未出,經理人就話冇用,要我哋放棄。」而節目更公開劉在錫及李輝才進行現場表演時,即使已經望住歌詞都出錯嘅場面,引起現爆笑。
另外,李輝才又於節目中大方坦白自己做身體檢查,被診斷出男性荷爾蒙指數低,不過佢似乎唔多願注射男性荷爾蒙,解釋:「會脫髮。」非常搞笑。