年逾60的郭先生上午10時手持病歷到醫院覆診，「先睇醫生後抽血」，他支持醫護罷工，表示已準備向醫生要求下次覆診延期，令醫護人手更好應付現況。「3單啦，沙士、雙一Flu（豬流感）、今次，3單都搞着佢哋」，指完全明白醫護前線的辛酸，即使身懷長期病患，要定期一至兩個月覆診，亦不介意醫護罷工影響自己。

陳小姐（化名）指政府應封關減低 疫情 爆發風險，但不認同醫護用罷工爭取，認為做法是要脅病人，違背入職承諾。她同樣上午到院覆診，卻指今日在罷工下程序較平時快，「以往抽血9個字（45分鐘），今日3個字（15分鐘）搞掂」。

現時於伊院診所當值的護士徐小姐透露，在醫管局工作逾廿年，親歷過沙士，當時任職於病房見證過眾多個案，「根本唔知邊個有事」，她完全理解前線的擔憂，直指當時也因冇源頭堵截，令沙士大爆發。今日面臨武漢肺炎，即使已調職於「clinic（臨床服務）」亦自感高風險，續指無法得知病人有否如實告知身體狀況。對於罷工，她認為是員工個人決定，但「特首話我哋要脅佢，其實佢都道德騎劫緊我哋。做醫護都要盡我哋責任，我哋要求緊嘅唔係加人工，只希望好好保護員工，連咁基本都做唔到，點叫我哋打呢場仗」。

任職8年的陳護士支持同事罷工，坦言自己決心不足，無力參與其中，「我都好開心聽到原來有人覺得影響唔大，個人原因令我無參與，但如果可以令對呢個行動反感嘅人，明白同改變，我希望仲可以做到呢樣嘢」，她期望公眾明白罷工是為 香港人 福祉，亦希望可令不支持的同事改變心意。

《果GYM》隨身播 　健身壹App過！