美斯昨在歐超盃中,連續射入兩個罰球,一下子幫巴塞隆拿迅速落後下,扭轉成反超前形勢。美斯入靚罰球,當然即刻有網民將佢同碧咸比較啦,話晒都係一代罰球專家,今次美斯展身價,連轟兩個罰球。不過,有網民就話,阿根廷人嘅罰球造詣,仲未到咸爺級數,無論入球決定性,或者係罰球走向軌跡,始終咸爺勝一籌。
至於美斯,淨係阿根廷國家隊,就唔見過有呢招,不時一腳唔知踢咗去邊,國家隊呢方面已經輸晒畀咸爺啦!況且對西維爾入過兩球,嗰門將企位確有啲問題,先至畀到美斯入咗。
其實,自從沙維走咗,巴塞依家陣中處理罰球,真係好大機會排到由美斯做主力,話唔定今季主踢得多,「無冕球王」仲有進步空間,拍住咸爺呢?!
碧咸、美斯罰球片↓↓↓
http://bit.ly/1N9D2zw