韓國男團BIGBANG成員T.O.P本月初被爆喺寓所吸食大麻，之後因服藥過量而昏迷入咗ICU，上周五T.O.P情況好轉，加上想住喺單人房方便休養，所以上周五已搬離ICU及轉到其他醫院繼續接受治療。

對於轉院後T.O.P嘅情況，佢所屬嘅YG事務所今日就話T.O.P現時正喺醫院接受治療，根據醫院方面嘅建議T.O.P至少接受治療兩個星期，至於T.O.P嘅身體狀況已經冇乜大問題，YG方面指佢哋會根據治療後先決定T.O.P幾時出院，但目前一切尚未確定。